БИШКЕК. 1-августта өлкөнүн каржы министрлиги Аксы окуясында жабыр таркандарга моралдык чыгымды төлөп берүү боюнча Жогорку соттун жана райондук соттун чечимдери качан аткарылаары тууралуу жообун айтат. Бул жөнүндө 31-июлда Аксы окуясында жабырлагандардын адвокаты Сартбай Жайчибеков «Азаттыкка» билдирди. 24-марттагы ыңклаптан кийин 11-апрелде Жогорку сот Аксы окуясында атып өлтүрүлгөн Кадыркул Сапаралиевдин жубайы Айбарча Сатыбековага, Сатымбай Үркүнбаевдин атасы Үркүнбаев Бейшебайга , Тагаев Советбектин атасы Асанбаев Камбаралыга 1 млн. сомдон моралдык чыгым төлөп берүү жөнүндөгү чечим чыгарган. 11-июлда болсо Жогорку сот Аксы окуясынын дагы бир курмандыгы болгон Эркинаалы Четимбаедин атасы Момбек Четимбаевге да 1 млн. сом өлчөмүндө моралдык чыгым төлөп берүү жөнүндөгү чечимин чыгарган.
Аксы окуясында жабыр тарткандардын ичинен 21инин арызы 12-14 июлда Аксы райондук сотунда каралып, Боспиекте ок атылып өлгөн Элдияр Уметалиевдин атасы Анарбай Уметалиевге 1 млн сом, калгандарына 50 миң сомдон 400 миң сомго чейин моралдык чыгым төлөп берүү жөнүндөгү чечим чыгарылды. Бул каражатты финансы министрлиги төлөп берүүгө милдеттүү.
Аксы окуясында жабыр тарткандардын ичинен 21инин арызы 12-14 июлда Аксы райондук сотунда каралып, Боспиекте ок атылып өлгөн Элдияр Уметалиевдин атасы Анарбай Уметалиевге 1 млн сом, калгандарына 50 миң сомдон 400 миң сомго чейин моралдык чыгым төлөп берүү жөнүндөгү чечим чыгарылды. Бул каражатты финансы министрлиги төлөп берүүгө милдеттүү.
