БИШКЕК. Алматы шаарында кыргыз тилдүү үч мектеп ачылышы күтүлүүдө. Бул маселе вице-премьер-министрдин милдетин аткаруучу Адахан Мадумаров менен Алматы мэри Имангали Тасмагамбетовдун Алматыдагы жолугушусунда талкууланды. Мындан тышкары эки жетекчи Кыргызстандан Алматыга барып иштеген эмгек мигранттарына чектөөлөрдү алып салууну сүйлөштү. Мадумаровдун айтымында, буга чейин Алматы облусуна иштөө үчүн Кыргызстандык 10 миң эмгек мигранты квота алчу.
