БИШКЕК. Чынчыл иштеп жаткан жергиликтүү ишкерлердин ишмердүүлүгүнө бут тоскон мамлекеттик кызматкерлерге кескин чара колдонула тургандыгын жума күнү ишкерлер менен жолугушууда биринчи вице-премьер-министрдин милдетин аткаруучу Феликс Кулов билдирди. Анын айтымында мындай кескин чараларды колдонмоюнча өлкөнүн экономикасын көтөрүү мүмкүн эмес. Жолугушуу учурунда жергиликтүү ишкерлер өкмөткө кызматташтыкты жакшыртуу жаатында өз сунуштарын айтышты. Алардын бири – мамлекеттик заказды калыбына келтирүү сунушу болду.
