БИШКЕК. Жаңыдан шайланган президент кыргыз элине ант бергенден кийин өкмөт башчысын бекитүү максатында Жогорку Кеңештин кезексиз жыйынын чакыра турган болсо, Жогорку Кеңеш президенттин мындай өтүнүчүн аткарууга даяр. Мындай пикирин Жогорку Кеңештин төрагасы Өмүрбек Текебаев билдирди. Баш мыйзамдын 62-беренесине ылайык Жогорку Кеңештин кезексиз сессиясы мамлекет башчынын же өкмөттүн же Жогорку Кеңеш депутаттарынын кеминде үчтөн биринин сунушу боюнча Жогорку Кеңештин төрагасы тарабынан чакырылат.
