БИШКЕК. «Асаба» кайра жаралуу партиясынын жети мүчөсү өткөн апта соңунда Ысыккөл обласындагы Бедел ашуусуна барып, 1916-жылкы үркүндө ашууда каза болуп, көмүлбөй калган атуулдардын сөөгүн жашырып, алардын арбагына куран окуп келишти. Партия төрагасынын орун басары Дөөлөт Нусупов «Азаттыктын» кабарчысына Бедел ашуусуна баруунун себебин он алтынчы жылдагы кайгылуу окуянын геноцид экендигин орусиялык бийликтин мойнуна алдыруу деп түшүндүрдү. «Бул максатта «Асаба» партиясы бир катар иш чараларды өткөрөт» деп кошумчалады ал. Айрым тарыхый маалымат булактарында он алтынчы жылкы үркүндө жүз миңден 250 миңге чейин атуул каза болгондугу айтылган.
