Бүгүн парламентте сүйлөгөн сөзүндө өлкөнүн президенти Махмуд Ахмединежад ага министрликке сунушталган талапкерлерди “күчтүү, чечкиндүү, натыйжалуу жана таза адамдар” деп атап, алардын калк арасында да кадыр-баркы жогору экенин айтты. Талапкерлердин көбүн чынында, эл жакшы тааныбайт. Алар президентке жакын адамдардан. Ахмединежад талапкерлердин ичинде радикал саясатчыларды өлкөнүн ички иштер министрлигине, чалгындоо кызматтарына жана маданият министрлигине дайындоо зарылдыгын айтты. Бул талкуулар шейшембиге чейин уланышы мүмкүн. Андан кийин талапкерлерди добуш берүү аркылуу тандашат.
