АКШнын Борбордук Аскердик Командачылыгынын башчысы, генерал Жон Абизаид шейшемби күнү Ашхабадда Түркмөнстандын президенти Сапармурад Ниязов менен сүйлөшүп, Американын Борбор Азияда жайгаштырылган аскерлери Ооганстандагы акыбалды турукташыруу гана максатын көздөп жатканына ишендирди. Жакында Өзбекстандын өкмөтү АКШдан өз аскерлерин чыгарып кетүүсүн талап кылган эле. Абизаид ошондой эле Түркмөнстандын коргоо министри жана чек ара командачылыгы менен жолугушту.