Ирактын премьер-министри Ибрагим ал-Жаафари кечээ шийилердин лидери Моктада ас-Садрдын жактоочулары жана ага каршы болгондор ортосундагы кагылышуудан кийин элди тынчтанууга чакырды. Эн-Наджаф шаарында төрт адам өлдү. Көчө кагылышуулары Багдадда, Басрада жана Эн-Насирия шаарларында да болду. Анын аралыгында, Багдадда бүгүн ирактык аскерлер менен козголоңчулар ортосунда болгон атышуулар учурунда кеминде 10 адам өлдү. Алардын көпчүлүгү жөнөкөй тургундар.