БИШКЕК. Кыргызстанда калкка дары-дармекти туура дайындай турган адис жокко эсе. Бул АКШ өкмөтүнүн эл аралык жардам көрсөтүүчү ЮСАИД уюмунун колдоосу алдында 29-августта Бишкекте өткөн тегерек үстөлдүн башкы темасы болду. Адистердин баамында, дары-дармектерди бейтап адамга туура бөлүштүрө албагандыктын кесепетинен өлкө аймагында дарыдан жабыр тарткандардын саны көп болууда. Алардын ичинен учурда ушундай жагдайга кирептер болгон 200 адам дарыланып жатат. Ошондуктан, медицина тармагынын кызматкерлери, фармакологдор, фармацевдер жана эл аралык адистер Калкка жардам көрсөтүү концепциясын иштеп чыгуу зарыл деп табышты. Буга чейин фармакология тармагы 1982-жылы кабыл алынган концепциянын алкагында иштеп келген.
