АКШ ири чыгымдарга алып келген бороон-чапкындын кесепетинен улам өлкөнүн стратегиялык мунай запасын сатыкка чыгараарын жарыялады. Бул тууралуу АКШнын энергетика боюнча министри Сабюэл Родмэн билдирди. АКШнын түштүк тарабын каптаган “Катрина” бороону алып келген кесепеттерди жоюу, аман калган кишилерди куткаруу иштери уланууда. Азырынча Миссисипи штатында кеминде 100 киши набыт кеткени такталды. Нью-Орлеан шаары толугу менен деңиздин ташкыны алдында калды. Эксперттер – бу жолку бороон АКШ тарыхындагы эң оор чыгымдарга алып келген жаратылыш кырсыгы болгонун айтып жатышат.
