БИШКЕК. Николай Танаевдин камакка алынышы мыйзамсыз болгондуктан мен 8-сентябрда сотко кайрылам. Мындай билдирүүнү мурдагы өкмөт башчынын адвокаты Максим Максимович жасады. Адвокаттын пикиринде, Николай Танаев Алматыга бир күнгө өз жумуштары менен барып келгиси келген. “Аны дароо камап койгонун мыйзамсыз деп эсептейм” - дейт Максим Максимович. Учурда Николай Танаев Улуттук коопсуздук кызматынын тергөө абагында кармалып турат. 6-сентярбда Москвадан аялы Татьяна Танаева учуп келди. Башкы прокуратуранын маалыматы боюнча, Кыргызстандан чыгып кетүүгө аракет жасаган Николай Танаев кыргыз- казак чегиндеги “Акжол” бекетинен 6-сентябрда кармалып, камакка алынган.
