БАТКЕН. Облустук ички иштер башкармалыгынын кызматкерлери тарабынан август айында Кызылкыя шаарында “Хизб-ут Тахрир” диний уюмунун эки активдүү мүчөсү кармалып, алардан уюмдун баракчалары, китептер, ондон ашык үн тасмалары алынган. “Өлкөбүздө бул экстремисттик кыймылдын кармалган мүчөлөрүнө жумшак жаза колдонулуп жаткандыгынан Өзбекстандагы бөлүмчөлөрдү Кыргызстандын түштүк облустарына жылдыруу жүрүп жатат” деген маалыматтар бар экенин облустук ички иштер башкармалыгынын коомдук уюмдар менен байланышуу бөлүмүнүн башчысы Жеңиш Разаков билдирип, убагында тийиштүү жана күчөтүлгөн чаралар көрүлбөсө коомчулук арасында күтүлбөгөн жагдайларга алып барышын кошумчалады.
