БИШКЕК. №8-Түндүк жана №20-Аксы шайлоо округдарында Жогорку Кеңештеги бошогон депутаттык орундар үчүн шайлоо ушул жылдын 27-ноябрында өтөт. Буга байланышкан жарыдкка президент Курманбек Бакиев 13-сентябрда кол койгондугун президенттин маалымат кызматы бейшемби күнү кабарлады. №20-Аксы шайлоо округунан мурда шайланган депутат Азимбек Бекназаров Башкы прокурор болуп дайындалгандыгына байланыштуу депутаттык мандатын өткөрүп берген. Ал эми №8 Түндүк шайлоо округунан шайланган депутат Жыргалбек Сурабалдиев Бишкек шаарында белгисиз адамдар тарабынан атып өлтүрүлгөн.
