БИШКЕК. Орусиянын Коргоо министри Сергей Иванов Кыргызстанга иш сапары менен 20-сентябрда келет. Ал президент Курманбек Бакиев, Коргоо министри Исмаил Исаков жана башка расмий бийлик өкүлдөрү менен жолугушмакчы. Президенттин маалымат кызматынын кабарлоосуна караганда, 21-сентябрда Сергей Иванов жана президент Курманбек Бакиев Канттагы орусиялык авиабазага барышып, журналисттердин суроолоруна жооп беришет.
