БИШКЕК. 20-сентябрда жаныдан дайындалган Башкы прокурордун милдетин аткаруучу Бусурманкул Таабалдиев журналисттер үчүн маалымат жыйынын өткөрдү. Ал маалымат жыйыныда мурдагы Башкы пркоурор Азимбек Бекназаровдун кызматтан алынышынын эч кандай саясий себеби жок экенин белгиледи. Анын айтымында, «Алай» мейманканасында 13-июнда болгон атышууга мыйзамдуу чара колдонбогондугу Бекназаровдун кызматтан кетишинин негизги себеби болду. Таабалдиев мындан сырткары Бекназаровдун учурунда козголгон мурдагы бийлик өкүлдөрүнүн мыйзамсыз иштерине, коррупцияга байланышкан иштер мындан ары да улантылаарын маалымдады.
