Венада бүгүн Улуттар Уюмунун Атомдук энергия боюнча эл аралык агенттиги-МАГАТЭнин жыйыны өтүп, Иранга каршы санкция колдонуу мүмкүнчүлүгү талкууланат. Кечээ куптандан кийин Орусиянын жана Британиянын тышкы иштер министрлери Сергей Иванов жана Жэк Строу Ирандын ядролук программасына байланыштуу телефон аркылуу пикир алмашкан эле. Ивановдун билдирүүсүндө караганда, МАГАТЭ Ирандын өзөктүк ишмердүүлүгүнө сырттан байкоо салууну улантып, аны саясатка айлантпаш керек деп санайт. Евробиримдик МАГАТЭнин Улуттар Уюмунун Коопсуздук Кеңешине кайрылып, мүмкүн болсо Иранга санкция колдонууну сунуш кылууну өтүнгөн.
