Ирандын тышкы иштер министри Улуттар Уюмунун атомдук агенттиги-МАГАТЭнин Тегерандын өзөктүк программасын сындаган жана санкция колдонууну мүмкүндүгүн сурап, Коопсуздук кеңешине кайрылуу жөнүндөгү резолюциясын сындады. Бул резолюцияны МАГАТЭге мүчө 35 өлкөнүн 22си колдогон болчу. Манучер Моттакинин өкмөттүк ИРНА жаңылыктар агенттигине билдиришинче, Тегеран ядролук технологияны тынчтык максатында пайдалануу укугунан баш тартпайт жана Иран ядролук программа боюнча көп тараптуу сүйлөшүүлөрдү улантууга даяр.
