БИШКЕК. Орусиянын өкмөт башчысы Михаил Фрадков Орусия менен Кыргызстан жана Тажикстандын ортосунда визасы жок карым катнашты түзүү тууралуу токтомго кол койду. Ага ылайык, Кыргызстан жана Тажикстандын атуулдары эми Орусияга паспорту, жашы он төрт жашка жете элек балдар туулгандыгы тууралуу күбөлүгү менен эле бара алышат. Ушундай эле шарт менен Орусиянын атуулдары Кыргызстан жана Тажикстанда жүрө алышат. Бул тууралуу Орусиялык маалымат каражаттары жазып чыгышты.
