Кытайда бүгүн ар жыл сайын бир апта бою белгиленүүчү улуттук майрам башталды - Кытай Эл Республикасынын негизделгенине 56 жыл толду. Ошондой эле бүгүн - Шиңжаң-Уйгур автономиялуу дубанынын түзүлгөнүнө 50 болду жана бул мааракени белгилөө учурунда уйгур уюмдары тарабынан Бээжинге каршы аракеттер көрүлүшү мүмкүн деген чочулоо менен Шиңжаңга кошумча полиция күчтөрү киргизилди. Уйгурлардын боштондугу үчүн күрөшкөндөрдү Бээжин террорчулар деп атайт.
