Орусиянын Улуу Британияда жүргөн президенти Владимир Путин премьер-министр Тони Блэр менен эки мамлекеттин кызматташуусун талкуулады. Андагы негизги маселе эл аралык терроризмге каршы күрөшүү жана эл аралык саясаттын көйгөйлөрү болду. Путин азыркы кырдаал терроризмге каршы күрөштө күчтү бекемдөө зарылдыгын айгине кылып турат деп билдирди. Путин андан кийин суу алдында жүрүүчү орусиялык кемени куткарууга катышкан британдык моряктарга сыйлыктарды тапшырып, “Кобра” деп аталган антитеррордук борборго барды.
