Ооганстанда өкмөттүк аскерлер ири буктурмага кабылды

Ооганстандын батышындагы Хелманд провинциясында кечээ күнү өкмөттүк күзөт буктурмага учурагандан 18 аскер өлдү:

- Кагылышуу кечки саат алтыдан түнкү бирге чейин уланды жана Ооганстандын улуттук полициясынын 18 аскери курман болду, алардын арасында Хелманд провинциясынын полиция башчысынын орун басары Аманулла Хан да өлдү, - деп билдирди Ички иштер министрлигинин өкүлү Юсеф Станизай.

Акыркы эки аптанын ичинде Талибан кыймылынын калдыктары өлкөдө беш жардыруу уюштурду.