БИШКЕК. 13-октябрда өкмөт үйүндө Конституциялык кеңешменин жаңы курамынын алгачкы отуруму болот. Ага президент Курманбек Бакиев төрагалык кылат. Бул тууралуу президенттин маалымат кызматынан кабарлашты. 24-марттагы ыңкылаптан кийин түзүлгөн Конституциялык кеңешме 114 кишиден туруп, аны спикер Өмүрбек Текебаев башкарып келген. Мамлекет башчынын 6-октябрдагы жарлыгына ылайык, Конституциялык кеңешменин жаңы курамы түзүлгөн. Конституциянын жаңы долбоору 25-декабрга чейин даяр болоору күтүлүүдө.
