Түркияда куштардын сасык тумоосунун адамдын өмүрү үчүн коркунучтуу вирусу табылганын Евросоюздун саламаттыкты сактоо боюнча комиссары Маркос Киприану жарыя кылды. Бул вирустан 2003-жылдан бери Азияда 60тан ашык адам каза тапкан. Киприану Евробиримдик жугуштуу дарттын түрдүү жолдор менен жайылуусун болтурбоо үчүн катаал чара көргөнү жатканын маалымдады. Анын айтымында, эксперттер Румыниядан алынган үлгүлөрдө да коркунучтуу вирустар болушу толук мүмкүн деген ишеничте.
