Евробиримдиктин адистер тобу эртеңден баштап Түркиянын батышындагы куштардын сасык тумоосу жайылган аймакты изилдөөгө жардамдашат. Түркиянын ветеринардык кызматы Кизикса кыштагында 10 миң тоок жок кылынып, илдет көзөмөлгө алынганын билдирди. Еврокомиссия көрүлгөн чаралар жетишсиз болсо, “өтө катаал чара колдонуу” сунуш кылынат деп эскертти. Саламаттыкты сактоо кызматтары коркунучтуу илдет адамдар арасында жайылып кетиши ыктымал деп коркушат.
