АКШнын мамлекеттик катчысы Кондолиза Райс Сенаттын тышкы иштер комитетинин суроолоруна жооп берди. “Мен буга чейин биз Иракка эмне үчүн барганыбызды айтып келатам, бүгүн ал жердеги жеңишти кантип бекемдейбиз деген маселеге токтолгум келет. Биздин саясий-аскердик стратегиябыз ачык-айкын болушу керек, биз Ирак өкмөтү менен бирге өлкөнү козголоңчулардын чагымчыл аракеттеринен бошотуп, коопсуздукту чыңдап, мамлекеттик башкаруу институттарын түзүүгө куштарбыз”, - деди Райс айым. Сенаттын мүчөлөрүнүн Ирактагы АКШ аскерлери качан чыгарылат деген суроосуна ал так жооп берүүдөн баш тартты.
