Ирактын мурдагы президенти Саддам Хуссейн менен катар соттолуп жаткандардын биринин коргоочусу Саддун ал-Жанаби кечээ кечинде 10 чакты куралчан тарабынан Багдаддагы кеңсесинен уурдалып кеткен эле. Полиция ал-Жанабинин өлүгүн Багдаддын Фардоус мечитинин жанынан бүгүн таап алды. Аны кимдер өлтүргөнү белгисиз. Адвокат шаршемби күнү Саддамдын сотунун ачылыш жыйынына катышкан эле.
