Пакистанда кармалган Талибан кыймылынын 14 мүчөсү кечээ күнү АКШга жөнөтүлгөнүн ооган жетекчилиги ири жетишкендик деп баалады: "Бул - эки мамлекет ортосундагы кызматташуунун канчалык күчтүү экенинин белгиси жана аны менен ооган өкмөтү жана дүйнөлүк коомчулуктун террорчулукка каршы күрөшү менен демократиялык Ооганстанда мыйзамдуулук орнотуу аракеттери дагы күчөйт", - деди ооган ички иштер министрлигинин өкүлү Юсуф Станизай. Кармалгандардын арасында - Талибан кыймылынын мурдагы басма сөз өкүлү Абдул Латиф Хакими да бар.
