“Ал-Жазира” сыналгысы кечээ күнү билдиргенге караганда, "Ал-Каида" террордук уюмунун атактуу жоокерлеринин бири Мустафа Сетмариам жакында Пакистанда колго түшүрүлдү. Сирияда туулган бул адамдын башы үчүн Америка Кошмо Штаттары бир миллион доллар сыйлык жарыялаган. Анткен менен Пакистандын маалымат министри Рашид Ахмеддин айтымында, кармалган адамдын аты-жөнү азырынча толук тактала элек.
