Парламентти таратуу боюнча кол топтоо Баткенде да башталды

БАТКЕН. Март ыңкылабын коргоо боюнча түзүлгөн комитеттин Баткендеги бөлүмү парламентти таркатуу үчүн кол топтоолорду жүргүзө баштады. Бул тууралуу маалымат аталган комитеттин Баткендеги бөлүмүнүн төрагасы Амиракул Алтымышевден 4-ноябрь күнү алынды. Кол топтоолор азырынча Баткен жана Кадамжай райондорунда Элдик ыңкылапты колдоо комитетинин мүчөлөрү тарабынан жүргүзүлүп, жакынкы убакта Лейлек районунда жана Сүлүктү шаарында да жүргүзүлмөкчү. Учурда Элдик ыңкылапты колдоо комитетинин жер-жерлердеги бөлүмдөрүн ачуу иши жүрүп, ага ыктыярдуу
мүчөлөр кабыл алынууда. Алардын саны 300гө чамалап калды.