АКШнын Борбордук Чалгындоо Кызматы чет өлкөлөрдөгү жашыруун түрмөлөр жөнүндө маалыматтын ким тарабынан чыгарылганын иликтөөгө ала баштады. Атын атагысы келбеген америкалык чиновниктердин айтымына караганда, Борбордук Чалгындоо Кызматы Юстиция министрлигине кайрылып, “Вашингтон пост” гезитине маалымат кайдан түшкөнүн иликтөөнү өтүндү. Бул гезитке АКШнын Чалгындоо кызматынын бир нече мамлекеттерде жашыруун абактары бар жана аларда террорго байланышы бар деп шектелгендер кармалып турат деп жазылган. АКШнын администрациясы бул маалыматты төгүндөгөн да эмес, ырастаган да эмес.
