Даниянын Копенгаген шаарында бүгүн НАТО уюмунун Парламенттик ассамблеясынын жыйыны башталды, ага - уюмга мүчө 26 өлкө менен катары 15 биргелешкен мамлекеттен келген алты жүзгө жакын делегат катышууда. Бүгүн жыйында НАТОнун баш катчысы Яап де Хооф Схеффер менен Түркиянын премьер-министри Режеп Тайып Эрдоган чыгып сүйлөдү. Негизинен коопсуздук маселелери жана Ооганстандагы абал талкууланууда.
