Ирактын Исламдык партиясы бүгүн өкмөткө жана америкалык аскерлердин жетекчилигине кайрылып, өлкөнүн батышындагы Анбар провинциясындагы чабуулду токтотууну дагы бир жолу талап кылды. Партиянын айтымында, бир нече күндөн бери уланып келаткан ал чабуул жергиликтүү калктын турмушун тозокко айлантты жана 15-декабрга белгиленген шайлоо алдында өлкөдөгү саясий абалга да залака тийгизүүдө. Ирактын президенти Жалал Талабани жана вице-президенти Адел Абдул Махди экөө тең акыркы мезгилде - британиялык аскерлердин Ирактан эмдиги жылы чыгарылып кетишин талап кыла баштады.
