БИШКЕК. Кыргызстанда кылмыштуулуктун каракчылык жасоо түрү, ок атуучу курал менен киши өлтүрүү, топтошкон кылмыштуулук өңдүү түрлөрү өсүп жатат. Бишкек шаарында, Талас жана Ысыккөл облусунда оор жана өзгөчө оор кылмыштын саны өткөн жылга салыштырмалуу 6,4 пайызга өскөн. 2001-жылдан бери буйрутма жол менен 40тан ашык киши өлтүрүлгөн. Бирок алардын бири да ачыла элек. Бул тууралуу башкы прокурор Камбаралы Конгантиев билдирди. Анын катарында март окуясынан кийинки мезгилде атып өлтүрүлгөн Жогорку Кеңештин депутаттары Жыргалбек Сурабалдиев, Баяман Эркинбаев жана Тынычбек Акматбаев бар.
