БАТКЕН. Облуста айыл, шаарча өкмөт башчыларын шайлоо үчүн талапкерлердин үгүт өнөктүгү башталды. Бул өнөктүк аймакта 80 шайлоо участкасында өтүп, баш-аягы болуп 90 талапкер атсалышмакчы. Алардын 9у аял. Катталган талапкерлердин эң жашы - 30 жашта. Мындай маалымат облустук шайлоо комиссиясынан 24-ноябрда алынды. Маалыматка караганда, шайлоо үчүн облустук комиссиянын эсебине 199 миң 800 сом келип түшкөн. Ал эми райондук шайлоо комиссияларынын эсебине таптакыр акча түшө элек. Учурда жергиликтүү гезит беттеринде талапкерлердин платформалары, алардын кыскача өмүр баяны жарыяланган макалалар орун ала баштады.
