Италиянын саламаттыкты сактоо министрлиги наристелер үчүн даярдалган “Нестле ЭсЭй” компаниясынын сүт азыгында химиялык зат табылганын билдирди. Химиялык зат жаш балдар үчүн сүт жана шире куюлган картон идиштен табылган. Бардык Евробиримдикке мүчө өлкөлөр “Милупа Аптамил 2” аттуу наристелердин сүтүнөн АйТиЭкс аттуу химиялык зат табылганы жөнүндө шашылыш кабар алышты. Дүйнөдөгү тамак-аш өндүрүүчү эң ири “Нестле” компаниясы Европалык өлкөлөргө жөнөтүлгөн жаш балдар үчүн сүттү кайра чакыртып алууга аргасыз болду.
