БИШКЕК. Жаңы жылдан кийин, январдын соңунда 90.6 FM толкунунда Жогорку Кеңештин үн алгысы күнү-түнү берүүсүн баштайт. Аны ачууга керектүү жабдыктар алынууда. Ошондой эле Чүй облусунда, Бишкекте Жогорку Кеңештин жыйынын түз көрсөтүү боюнча сыналгыдан атайын канал ачылышы күтүлүүдө. Бул тууралуу спикер Өмүрбек Текебаев 29-ноябрда маалымат жыйынында билдирди. Анын айтымында, парламент өзүнүн маалымат каражаттары аркылуу Жогорку Кеңештин ишин ачык-айкын чагылдырууну көздөйт. Шайлоочулар ким үчүн добуш бергенин билүүсү керек.
