БИШКЕК. 30-ноябрда Бишкекте адам аткезчилиги боюнча коомдук угуу болду. Winrock international уюму уюштурган бул жыйынга Жогорку Кеңештин депутаттары, миграция боюнча мамлекеттик комитеттин жана бейөкмөт уюмдардын өкүлдөрү катышып, адам сатууга байланышкан маселелер талкууланды. Анда жумушсуздуктун айынан өлкө атуулдарынын көпчүлүгү чет өлкөлөргө жумуш издеп чыгып, натыйжада алардын бир даары кулчулукка тушуугаары, адам сатуунун курмандыгы болоору белгиленди. Адам аткезчилигине канча адам кабылганы тууралуу так малымат жок, бирок эл аралык миграция уюумунун баамында, жыл сайын төрт миңдей кыргыз атуулдары кулчулукка сатылат. Аталган жыйында ошондой эле атуулдардын өз укуктарын билбестиги кулучулукка кабылуусуна себеп болору айтылды.
