1-декабрда дүйнө жүзү СПИД дартына каршы күрөш күнүн белгиледи.Дүйнөдө ВИЧ инфекциясын жуктуруп алган 40 миллион 300 миң адам жашайт. Бириккен Улуттар Уюму бул коркунучтуу илдетке каршы жетиштүү чараларды көрүүгө чакырык жасады. Бул күнү СПИД илдетине каршы иш чаралар планетанын чыгыш өлкөлөрүндө башталды. Кытай миллиондогон эмгек мигранттарына бул илдеттин коркунучтуулугу боюнча сабакты баштаганын кабарласа, Австралия Индияга СПИДге каршы күрөшкө 7 миллион доллар бөлөөрүн жарыялады.
