Европа Биримдиги Украинага базар экономикалуу мамлекет макамын берди. Бул тууралуу 1-декабрда Киевде Украина менен Европа Биримдигинин саммитинде Биримдиктин азыркы төрагасы, Британия премьер-министри Тони Блэр билдирди. Базар экономикалуу макамдын берилиши Украинанын Дүйнөлүк соода уюмуна кирүүсүнө жеңилдик берет. Украинанын НАТОго кирүүсүнө каршылык билдирген миңдей адам бул күнү Киевде нааразылык акциясын өткөрдү.
