БИШКЕК. 14-декабрда түшкү саат 12ден 3 мүнөт өткөндө Бишкектеги «Дастан» акционердик коомунун имаратында өрт чыкты. Өрт чыккандан жети мүнөттөн соң ал жерге өрт өчүргүчтөрдүн биринчи тобу барып, кечки саат төрт жарымда өрт өчүрүлдү. Бул кырсыктан аталган акционердик коомдун сырдап бойоочу цехинин 500 чарчы метр чатыры күйүп кеткен. Учурда кырсыктын себептери иликтенүүдө. Алдын ала маалыматтарга караганда, өрткө ширетүү иштери себеп болгон.
