БИШКЕК. 18- декабрда жергиликтүү бийлик башчыларын шайлоодо добуш сатып алуу аракеттери байкалды, бирок алар шайлоонун жыйынтыгына таасир эткен жок. Бул тууралуу БШКнын төрагасы Туйгунаалы Абдраимов 19- декабрда болгон маалымат жыйынында билдирди. Анын айтымында, буга чейин айтылып келген уруулар жана улуттар арасындагы тирешүү болот деген кооптонуу өзүн актаган жок. БШКнын маалыматы боюнча, жергиликтүү бийлик башчыларына шайлоочулардын 52 пайызы келип добуш берди. 1393 шайлоо учаскасында добуш берүүгө баш аягы 28миңден ашык байкоочу көз салган.
