Ирактын ырасмий өкүлдөрү өткөн бейшембидеги парламенттик шайлоонун Багдаддагы алгачкы жыйынтыктарына ылайык добуштардын 58%ы Ирактык Шийилер Биримдигине тийгенин билдиришти. Багдад шаары – Ирактагы эң ири шайлоо округу саналат. Алдын-ала жыйынтыктар көрсөткөндөй, Багдад боюнча экинчи орунда суннилер колдогон Улуттук майдан жана андан кийин мурдагы премьер-министр Аяд Аллавинин Улуттук тизмеси келатат.
