Дүйнө католиктеринин лидери Папа Бенедикт XVI Иса Пайгамбардын туулган күнүнө карата майрамдык таат окуду. Папа өз кайрылуусунда азыркы коомдо адамдар интеллектуалдык жана техникалык жетишкендиктерден улам руханий жакырдыкка, жүрөгүндөгү боштукка кириптер болуп жатканын белгиледи. Майрамдык жөрөлгө маалында Рим Папасы куралдуу касташуудан жапа чегип жаткан Судандын Дарфур чөлкөмүнө, Азиядагы цунами жоготуу алып келген аймактарга, Жакынкы Чыгыштагы тынчтыкка арнап атайын сыйынуулар өткөрдү.
