Орус бийлиги Амур дарыясынан балык уулоого алты айга тыюу салды, анткени Кытайдын аймагындагы химиялык ишканада өткөн айда жарылуу болгондуктан, сууга уулуу заттар кошулуп кеткен. Булганган суу азыр Хабаровск калаасынан өтүп, Комсомольск шаарына жакындап келатат. Айрым эксперттердин пикиринде, суу азыр адамга зыян тийгизе албайт, бирок балык үчүн дагы эле коркунучтуу. Башка адистердин айтымында, балык кармоого тыюу салуу коррупцияны күчөтүшү мүмкүн.
