Орусиянын бийликтери Санкт-Петербургдагы окуяга терроризмдин тиешеси жок деп билдиришти. Питердеги чоң дүкөндөрдө орун алган газ чабуулунан 78 киши жеңил жараат алган, кыянат ишти ырасмий адамдардын айтымында, кылмыштуу топтор аткарган. Бир нече киши ооруканага жеткирилди, алардын акыбалы дурус деп айтылат маалыматтарда. Үйгө керектүү эмерек-буюм саткан “Максидом” дүкөнүнүн ээси буга чейин атаандаштарынан коркутуп-үркүткөн мазмундагы каттар алганын билдирди. Тергөө иштери уланууда.
