БИШКЕК. «Вечерний Бишкек» гезити, КООРТ телеканалы жана «БИТЕЛ» компаниясы мыйзамсыз тартылып алынды деген пикирлерди Бишкек шаар прокурору Учкун Каримов төгүндөдү. Анын айтымында, аталган юридикалык тараптар бир кожоюндан экинчи кожоюндун колуна сот чечимине ылайык өттү. Аталган компаниялардын айланасындагы чыр-чатактар коомчулукта бийлик төбөлдөрүнүн киришүүсү менен менчикти кайра бөлүштүрүү аракеттери катары сыпатталып келген.
