Орусия өзгөчө суук аба ырайы шартында үйлөр менен мекеме-ишканаларды жылуулук менен камсыздоо аракетинде. Отун жана энергетика министри Виктор Христенко зарыл болсо, өкмөт стратегиялык отун запасын да колдонушу мүмкүн деп билдирди. Москвада өткөн түнү абанын температурасы –31 градуска чейин төмөндөп, дүйшөмбүдөн бери Сибирь тараптан каптаган ызгаардан кеминде 31 киши мерт болду деп айтылат кабарларда.
