Иран президенти Махмуд Ахмадинежад бүгүн Бушер шаарындагы митингде чыгып сүйлөп, Батыш тарабынан Тегеранга жасалып жаткан басымга Иран каршылык көрсөтөт деп билдирди. Анын айтымында, өзөктүк кубатка ээ болууга Иран толук укуктуу. Атом энергиясы боюнча эл аралык агенттик Иран маселесин 2-февралда Вена шаарында талкуулай баштайт, Бушер шаарында болсо Орусия Иранга өзөктүк реактор куруп жатат. Батыш мамлекеттеринин айтымында, Венадагы жыйында - маселени Бириккен Улуттардын Коопсуздук Кеңешинин кароосуна өткөрүп берүү тууралуу чечим кабыл алынышы мүмкүн. Андай болгондо, Тегеранга каршы чектөө жарыяланышы ыктымал.
