БИШКЕК. 2-февралда Жогорку Кеңеш кыргыз өкмөтү менен өзбек өкмөтүнүн чегара өткөрмө бекеттери тууралуу 2004-жылы кол коюлган келишимин ратификациялады. Ал келишимге ылайык Кыргызстандын түштүк облустарынын тургундары Өзбекстанга 14 өткөрмө бекеттери аркылуу өтө алышат. Келишимди ратификациялоодо сөз сүйлөгөн өлкөнүн чек ара кызматынын башчысынын орун басары Садырбек Дубанаев эки мамлекет ортосунда дагы кошумча өткөрмө бекеттерин ачуу боюнча сүйлөшүүлөр, даярдыктар жүрүп жатканын билдирди.
