“Тынчтык” деген аталыштагы элдик-патриоттук партия түзүлгөндүгүн Кыргызстандагы карачайлардын ассоцациясынын башчысы Исмаил Кочкаров маалымдады. Ал бул партияны маркум депутат Тынычбек Акматбаевдин аткара албай калган иштерин уланттуу максатында түзүлгөнүн билдирди. Исмаил Кочкаров Жогорку Кеңештин төрагасы Өмүрбек Текебаевдин үстүнөн 7-февралда сотко арыз жолдогонун да айта кетти. Ал буга чейин 26-январда спикер аны басмырлаганы үчүн жеке өзү кечирим сурабаса сотко кайрыларын белгилеген. Төрага Текебаев 16-январда Кочкаров сыяктуу адамдар менен мамлекеттик органдар сүйлөшпөстүгүн билдирген.
